Ny fiombonam-piadidiana maha-eveka sy ny filohany, ny Papa
Laharana 882 amin’ny Katesizy
Ny Papa, Evekan’i Rôma sy dimbin’i Md Piera, “no fototra maharitra sy hita maso ary fanorenana ny firaisana izay manakambana azy ireo amin’ny samy izy ireo, na Eveka, na ny mpino maro be”[399]. “Satria, ny Evekan’i Rôma, ao amin’ny Fiangonana, noho ny adidy aman’andraikitra ny maha-Vikeran’i Kristy sy ny maha-Mpitondra Fiangonana manontolo azy, dia manana fahefana feno, ambony indrindra ary manerana ny tany tontolo izay azony ampiasaina lalandava amin-kalalahana”[400].