IV. Ny raharaham-piharian-karena sy ny fahamarinana ara-piaraha-monina
Laharana 2428 amin’ny Katesizy
Amin’ny asa ny olona no mampiasa sy manatanteraka ny anjara herim-pahazoana amam-pahaizana voa-Janahary naraikitra ao aminy. Ny fototry ny hasarobidin’ny asa dia ny tenan’ny olona ihany, fa izy no mpanao sy iantefany. Ny asa no natao ho an’ny olona fa tsy ny olona no ho an’ny asa[29].
Tokony hahita fomba hanampy ny fiainany sy ny an’ny ankohonany amin’ ny asany ny tsirairay, sy hanasoavany ny fiombonamben’ny olombelona.