II. “Vatana amam-panahy iray tsy mivaky ny olombelona”
Laharana 362 amin’ny Katesizy
Ny olombelona, noarìna mitovy endrika amin’Andriamanitra, dia zavaboary sady manana vatana no manana fanahy. Maneho io zava-misy io amin’ny fiteny an’ohatra ny tantara ao amin’ny Baiboly, tamin’ny filazany marina fa “namboarin’Andriamanitra tamin’ny tanimanga ny olombelona ; nofofoiny fofon’aina mahavelona ny vavorony, ka tonga zavamananaina ny olombelona” (Jen 2,7). Koa ny olombelona manontolo àry no sitrak’ Andriamanitra .