V.Ny Vatsy masina, sakramenta farany ho an’ny kristianina
Laharana 1531 amin’ny Katesizy
Ny votoatin’ny fankalazana amin’ity sakramenta ity, dia ny fanosorana eo amin’ny handrina sy ny tanan’ny marary (amin’ny fombam-pivavahana rômanina) na eo amin’ny faritra hafa amin’ny vatana (any Atsinanana), fanosorana arahim-bavaka litorzika ataon’ny Pretra mitarika ny fankalazana izay mangataka ny fahasoavana manokana amin’ity sakramenta ity.