Paragraphus 1 CHRISTUS DESCENDIT AD INFEROS
Numerus 632 Catechismi
Frequentes Novi Testamenti affirmationes, secundum quas Iesus « resurrexit a mortuis » (1 Cor 15,20), 530 praesupponunt, Illum, ante Resurrectionem, in mortuorum incoluisse mansione. 531 Praedicatio apostolica descensui Iesu ad inferos hunc primum tribuit sensum: Iesus mortem cognovit sicut omnes homines et ad illos, anima Sua, in mortuorum mansionem, profectus est. Ipse tamen ut Salvator illuc descendit, Bonum Nuntium spiritibus proclamans, qui ibi detinebantur. 532