Numerus 790 Catechismi

Credentes qui Verbo Dei respondent et membra corporis Christi fiunt, arcte uniti cum Christo efficiuntur: « In corpore illo vita Christi in credentes diffunditur, qui Christo passo atque glorificato, per sacramenta arcano ac reali modo uniuntur ». ²³⁰ Hoc speciatim verum est de Baptismo per quem Christi morti et resurrectioni unimur, ²³¹ et de Eucharistia, per quam « de corpore Domini realiter participantes, ad communionem cum Eo et inter nos elevamur ». ²³²