Numerus 2717 Catechismi

Oratio contemplativa est silentium, hoc « symbolum mundi futuri » ¹⁹¹ vel « sermo [...] tacitus amoris ». ¹⁹² Verba in oratione contemplativa discursus non sunt, sed ramuli qui amoris alunt ignem. In hoc silentio, quod homini « exteriori » est intolerabile, Pater nobis Suum Verbum dicit incarnatum, patiens, mortuum et resuscitatum, et Spiritus filialis nos orationis Iesu efficit participes.