Numerus 2056 Catechismi

Verbum « Decalogus » litteraliter significat « decem verba » (Ex 34,28; Dt 4,13; 10,4). Deus populo Suo super monte sancto haec « decem verba » revelavit. Ea scripsit « Digito Suo »,⁶ aliter ac alia praecepta a Moyse scripta.⁷ Eadem, sensu eminenti, Dei constituunt verba. Nobis in libro Exodi transmittuntur⁸ et in illo Deuteronomii.⁹ Inde a Vetere Testamento, Libri Sancti ad « decem verba » referuntur,¹⁰ sed in Novo Testamento in Iesu Christo eorum plenus revelabitur sensus.