Numerus 1963 Catechismi

Secundum christianam traditionem, Lex sancta, ¹⁹¹ spiritalis ¹⁹² et bona ¹⁹³ adhuc est imperfecta. Tamquam paedagogus, ¹⁹⁴ id ostendit quod facere oportet, sed ex se vim, gratiam Spiritus non praebet, ad illam adimplendam. Illa, propter peccatum, quod tollere nequit, lex manet servitutis. Iuxta sanctum Paulum, munus habet praesertim denuntiandi et manifestandi peccatum quod « legem concupiscentiae » ¹⁹⁵ in hominis corde constituit. Tamen Lex primus permanet gressus in Regni via. Populum electum et unumquemque christianum praeparat et disponit ad conversionem et ad fidem in Deum Salvatorem. Doctrinam praebet quae in perpetuum tamquam verbum Dei subsistit.