Numerus 1428 Catechismi

Vocatio igitur Christi ad conversionem in christianorum vita resonare pergit. Haec secunda conversio munus est non interrumptum pro tota Ecclesia quae « in proprio sinu peccatores complectens, sancta simul et semper purificanda, poenitentiam et renovationem continuo prosequitur ».¹¹ Hic conversionis nisus opus solummodo humanum non est. Motus est « cordis contriti »¹² gratia attracti et permoti¹³ ut amori respondeat misericordi Dei qui prior nos dilexit.¹⁴