Liturgiae caelestis celebrantes
Numerus 1137 Catechismi
Sancti Ioannis Apocalypsis, in Ecclesiae liturgia lecta, nobis imprimis revelat thronum positum in caelo; et supra thronum sedentem:64 « Dominum » (Is 6,1).65 Deinde « Agnum stantem tamquam occisum » (Apc 5,6):66 Christum crucifixum et resuscitatum, unum Summum Sacerdotem tabernaculi veri,67 Eundem qui est « offerens et oblatus, accipiens et donatus ».68 Tandem, « fluvium aquae vivae [...] procendentem de throno Dei et Agni » (Apc 22,1), quoddam e pulcherrimis Spiritus Sancti signis.69